القائمة الرئيسية

الصفحات

أخبار الاخبار

حكايتى مع الجيش المصرى ( اخدت اعفاء نهائى من الجيش )

غير لائق فى الجيش المصرى 

العب يالا اعفا يا ناااس ياااا ناااس
احم ..... يلا ندخل فى الموضوع على طول 

السلام عليكم وبعد الاعفاء
لك الحمد ياارب انا اخدت اعفاء نهائى من الجيش المصرى النهاردة  
و إنشاء الله ناوى أقول على كل اللى حصل معايا من يوم ما قدمت الورق ليوما هذا 
تجنيد_الرماية 
1-اول يوم ف الكشف كان الخميس كنت هناك على حوالى 6:20 دخلنا من البواية عادى
و بعدين وقفنا ف طيور عشان تقطع البون ب 12.5 ج و ده يشمل كتاب تعليمات و انك تصور اى ورق من جوا ببلاش 
2- الورق المطلوب تصويره البطاقة شهادة الميلاد شهادة التخرج الفيش الجنائى كل واحده من دول 5 نسخ بس ( الفيش العسكرى و فصيلة الدم مش هيتصوروا ) 
3- بعد ما صورنا ورقة روحنا و قعدنا و كان فيه عساكر بيرتبوا معانا الورق على مجموعتين ( مش فاكر ترتيبهم بصراحة ) المهم بعد مابترتبهم بيدبسهوملك مع بعض
4- و بعدين بيودونا ف صالة انتظار ده بيتقال فيها تلقين امنى و بندخل اوضة بلبس الافارول و بنتصور و بنقيس الوزن و الطول ( الوزن اللى ف الاوضه ده عبيط و الكموسيون الطبى مش بياخد بيه اصلا فمش فارق معاك اى رقم هيطلع فيه سواء وزن 48 او 480 و حصلت الطول بتاعه مظبوط ) 
5- بنتظر برا تانى و بندخل اوضه تانى و بنفيش الكترونى على الكمبيوتر 
6- بنخرج من الاوضه و بنستلم ورقتين واحده كبيرة و التانيه صغيره دول اللى بنمشى بيهم جوا الكمسيون الطبى 
7- بنتحرج بعد كده على الكشف و اللى بيبدأ ب : 
أ- تحليل دم من فيروس سى و االايدز و حاجه تالته مش فاكرها
ب- بندخل بعد كده اوضة كبيرة بنعمل فيه شوية كشوفات مبدئية كده و اللى عنده حاجه بيشتكى منها 
ج- فى حالتى انا كنت وزن زائد من غير ما اقول انا بشتكلى من ايه الدكتور اخد ورقتى و علم على جراحة و من غير ماشتكى برضو اخد الورقة تانيه و علم على عظام التواء كاحل ربنا يباركله ^^ 
د- لم كل ورق جراحة و سبنا الاوضة و روحنا اوضة جراحة و بقيت يومى كان هناك 
ه- مفيش فلقسه مفيش فلقسه مفيش فلقسه واخرك بتقلع الشورت من قدام بس و بتبقى لوحدك مش مجموعة مع بعض و لو كنت جراحة مش هتقلعه اصلا  
ده باختصار اليوم بيبقى ماشى ازاى و اللى بيكمل و بيبقى لائق بيقوله روح استلم ال 110 و هو نصيبه يخلص 5 يخلص 8 بليل على حسب العدد احنا يوم الخميس اتقالنا ان اليوم ده كان اكتر عدد جه من اول ما بداوا كشف 
طيب اخدت الاعفاء ازاى  
1- يوم الخميس بعد ما وزنت كان وزنى 114 و طولى 168 بالنسبة للميزان فهو الى حد ما مظبوط قبلها بيومين كنت وازن ف صيدلية و كان 115 
طيب حوار الوزن الزائد بيتحسب ازاى 
100-168=68*1.5=102 ده الوزن اللى يطلعنى 
فانا +12 كيلوا وزن زائد و اتكتبت كده ف الورقة 
كان فيه ناس معانا محيط صدرها 79 و ناس طولها 159 
بعد ماخلصنا اتعرضنا على رئيس المجلس الطبى و كتب بالقلم الاحمر على ورقة حمرا اتدبست بعد كده ف ورقتنا الكبيرة 
2- روحنا اوضة فيها سجل اتكتب فيه اسامينا و بصمنا بالشمال ( مش شرط تبقى اعفا و هقولكم ليه )
3- بعد كده قالولنا تروحو و تيجوا الاتنين عشان هنكمل كشف زى مثلا عظام 
4- جينا الاتين و كشفنا عظام و اللى كشف جلدية و رجعنا اوضة اتنده فيه اسامينا كلنا حوالى فوق ال100 راس 
5- دخلنا مجموعات ف غرفة اسمها غرفة الحاسب الالى ( معظمنا كنا فاكرين اننا اتقبلنا  اطمنا شوية لما حد سال العسكرى فرد و قال خير بس نتأكد من التعليمات
6- دخل ظابط و قعد يسجل اسامينا على الجهاز ( عرفت بعدها ان ده كان سيستم الغير لائقين طبيا ) بس كان من ضمنهم ناس 10% ( عشان كده مش معنا انك بصمت قبلها تبقى اعفا )
7- جه ظابط تانى و اللى كان جراحه قاله يقلع و اللى كان نظر عادى و اتعرضنا على العميد اكبر راس ف الكمسيون  و ختملنا بالازرق على الورقة الحمرا 
رجعنا غرفة الحاسب الالى و الظابط ابتسم و قالنا مبروك العميد و افق لكم على الاعفاء النهائى عبالكم و قعدوا يهزروا معانا و قلبت فرفش مع الظباط و بصمنا الكترونى تانى و خرجنا بصمنا على الورقة كبيرة و بصمنا على كشف 4 ورقات و قالولنا تيجوا تستلموا الاعفا الاتنين الجاى الساعة 7و تبقو لابسين كويس و معاكوا صور للاحتياط و هستلموا اصل المؤهل الدراسى 
- اللى كان محيط صدره 79 اخد اعفا
- اللى كان طوله 159 اتحول 10 %
تفائلو خير
اخر حاجة و كلمة حق تتقال 
المعاملة ف الرمابة محترمة سواء عساكر او ظباط اها ممكن تبقى صعبة شويه فيها شوية جفاء بس برضو محترمة الا حاجات قليلة فيها شوية افورة لدرجة ان ظابط انا خبطت فيه و هو اعتذر لى عشان كان ماسك سيجارة و جت اللتيشرت
بس كده 
و أسف جدا على الكلام الكتير دة
هل اعجبك الموضوع :

تعليقات

تعليقان (2)
إرسال تعليق
  1. معلش طب دا رقمي ممكن تكلمني واتس
    01156846727
    محتاج اسئلك علي شويه حاجات

    ردحذف
  2. وزني ١١٣ و طولي ١٧٥ اطلع ؟

    ردحذف

إرسال تعليق